António Vieira

António Vieira (Lisboa, 1608ko otsailaren 6a – Salvador da Bahia, 1697ko uztailaren 18a) portugaldar jesulagun, diplomazialari, hizlari, predikari, filosofo eta idazlea izan zen.

1614an gurasoekin Brasilera joan zen. Bahiako jesuiten ikastetxean hezi zen eta 1625ean nobiziatuan sartu zen. 1635ean apaiz ordenatu zuten eta laster nabarmendu zen hizlari gisa bere sermoiengatik.

1640an Portugalera joan zen Joan IV.a errege berria zoriontzera. Erregeak Petri infantearen tutore, errege predikari eta Errege Kontseiluko kide izendatu zuen. Han merkataritza biziberritu zuen eta banku nazional bat sortzea eta Brasilgo Merkataritza Konpainia antolatzea proposatu zuen.

1647an diplomatiko ibilbide hasi zuen eta Holandan, Frantzian eta Erroman misioak egin zituen.

1652tik 1661era Brasilera itzuli zen. Bertakoak kristautasunera bihurtu zituen, baina horien esplotazioari eta esklabotzari ere aurre egin zien. Juduak ere defendatu zituen eta Inkisizioaren aurka agertu zen.

Portugalera itzuli zenean, jazarria izan zen, hereseaz akusatua, eta Oporto eta Coimbran espetxeratu zuten.

1681ean Brasilera iritsi zen. Bere sermoiak 16 liburukitan argitaratu zituen eta 500 gutun baino gehiago idatzi zituen. Han hil zen 94 urterekin. Wikipediatik informazioa lortu