Mário Cesariny de Vasconcelos

thumb|250 px|alt=Mário Cesariny, by Bottelho|''Mario Cesarinyren erretratua'', Bottelho

Mário Cesariny de Vasconcelos (Lisboa, 1923ko abuztuaren 9a - ''ib.'', 2006ko azaroaren 26a) portugaldar idazlea eta margolaria izan zen.

Cesário Verderen eta Fernando Pessoaren teknika futuristen eraginpean hasi zen idazten. Pintura-ikasketak egin zituen, eta Lisboako lehen talde surrealista sortu zuen. Handik urtebetera, taldea utzi zuen, hartzen ari zen norabidearekin ados ez zegoelako, eta beste bat sortu zuen; denbora gutxian, ordea, utzi egin zuen hura ere. Cesarinyren poesiak ironiaren eta ezezagunaren arteko irudi adierazkorrak proposatzen ditu, eta surrealista da goitik behera 1950etik aurrera. Poema-liburu aipagarriena ''Pena Capital'' (1957) du. Cesarinyren testuak hitz-jokoz, sekuentzia paraleloz eta zerrendatze amaigabez josita daude. Beste zenbait lan aipagarri: ''Manual de Prestidigitação'' (1956, ''Prestidigitazio-eskuliburua''), ''Planisfério e Outros Poemas'' (1961, ''Planisferio eta beste zenbait poema''), ''Titânia e A Cidade Queimada'' (1977, ''Titania eta Hiri Errea''). Poesiaz gainera, eleberriak, antzezlanak eta saiakerak ere idatzi zituen. Wikipediatik informazioa lortu