Pearl S. Buck

| dateformat = dmy}}

Awdures toreithiog o Unol Daleithiau America oedd Pearl S. Buck (26 Mehefin 1892 - 6 Mawrth 1973) a adnabyddir hefyd dan ei henw Tsieineaidd Sai Zhenzhu; }}) sy'n cael ei hystyried yn nodigedig am ei gwaith fel cyfieithydd, nofelydd, hunangofiannydd, gweithredydd dros hawliau dynol, sgriptiwr a newyddiadurwr.

Cenhadon oedd ei rhieni, a threuliodd Buck y rhan fwyaf o'i bywyd cyn 1934 yn Zhenjiang, Tsieina. Ei nofel ''The Good Earth'' oedd y ffuglen a werthodd orau yn yr Unol Daleithiau yn 1931 a 1932 ac enillodd Wobr Pulitzer yn 1932. Yn 1938, enillodd Wobr Nobel mewn Llenyddiaeth "am ei disgrifiadau cyfoethog a gwirioneddol epig o fywyd gwerinwyr yn Tsieina ac am ei champweithiau bywgraffyddol."

Fe'i ganed yn Hillsboro ar 26 Mehefin 1892 a bu farw yn Danby o ganser yr ysgyfaint. Wedi gadael yr ysgol mynychodd Brifysgol Cornell a Choleg Randolph–Macon. Bu'n briod i John Lossing Buck.

Ar ôl dychwelyd i'r Unol Daleithiau yn 1935, parhaodd i ysgrifennu llawer a daeth yn eiriolwr amlwg dros hawliau menywod a grwpiau lleiafrifol, ac ysgrifennodd yn eang ar ddiwylliannau Tsieineaidd ac Asiaidd, gan ddod yn adnabyddus iawn am ei hymdrechion i hyrwyddo mabwysiadu plant Asiaidd a chymysg.

Ymhlith y gwaith pwysig a nodedig yr ysgrifennodd y mae: ''The Exile, Fighting Angel, East Wind: West Wind, The Good Earth, Sons, A House Divided, China Sky, Dragon Seed, Peony, The Big Wave, Imperial Woman, Letter from Peking'' a ''The Living Reed''. Darparwyd gan Wikipedia