Vergílio Ferreira

Vergilio Ferreira (Melo, 1916ko urtarrilaren 28a – Lisboa, 1996ko martxoaren 1a) portugaldar idazlea izan zen.

Hamar eta hamasei urte bitartean egon zen apaiztegian, eta, ondoren, Coimbrako Unibertsitatean ikasi zuen. Irakasle aritu zen Portugalgo hainbat herritan. Bere esperientzien berri eman zuen ''Manhã Submersa'' (''Goizez, urpean'') izeneko lan ospetsuenean.

Eleberriak, ipuinak eta eleberri laburrak, entsegu filosofikoak eta literatura-egunkariak idatzi zituen. Estiloa neorrealismoaren eta existentzialismoaren artean banatu zen. 1982an Camões saria jaso zuen. Gouveiako Udalak Vergilio Ferreira literatura-saria eman du ohorez. Wikipediatik informazioa lortu